أمثال اليوم (من وحي أحداث لبنان البارحة و ال٤١ سنة الماضيه حسب خبرتي)

١- حطوا دنبه الكلب بالقالب أربعين سنة بقيت لوقا

وهيك لبنان مش شكله رح يتغير أبداً. أنا شخصياً فقدت الأمل!! 

٢- من بعد حماري ما ينبت حشيش (أو كما علمنا مسيو شكري: Aprés Moi Le Deluge)

وهيك هني سياسي و حكام بلدنا المقرفين كلهم قشة لفة من دون إستثناء! و أكل الهوا للواطي دوّا و فهمكم كفاية.

٣- المعتر لو سِعد بيموت و الناس بالناس و القطة بالنفاس! مثلين ينطبقان على الشعب اللبناني المعتر المحروم من شوفة نهار حلو و الزعماء و السياسيين و الحكام الذين عم يفطسوا الشعب غير أبهين بأحد!!!

٤- بيّو بصل و إمّو ثوم، ومن وين بدا تجي الريحه الطيبة؟

و هذة حال لبنان!!!! ويلي بيقهر ذوي التفائل الدائم الذين شايفين أو بالأحرى متوهمين أن لبنان سيتحسن و يصير جنة!!!! و عيش يا كديش تا ينبت حشيش!!!! 

٥- وفي النهاية شو بدو الواحد يحكي تا يحكي؟ شو بدي إترجى منك يا سفرجلة و كل عضة بغصة؟ ومن تحت الدلفة لتحت المزراب!!  و تيتي تيتي متل ما رحتي متل ما جيتي! ومجنون يحكي و عاقل يسمع!!!