أمثال

يلي دِري دِري ويلي ما دِري قال كف عدس. بس خلينا نقعد عوج و نحكي جالس. بلدنا إجريها عوج و بدها بابوج. ابن الحكومة فيها إذا صادقته أكلك و إذا عاديته هلكك. بس إلّي بيعوز الكلب بيقول له صَبحَك بالخير يا سيدنا! اركب الديك وشوف لوين بيوَدِّيك. من تحت الدلفة لتحت المزراب! والقصة مش رمانه لكن قلوب مليانة.

وهذة الإيام فينا روح وفيه روح وما منعرف روح مين بتروح! بس القصة شكلها متل سيرة الحيّات، بتبدا و ما بتخلص! بس نحنا إن عجبنا الكحل تكحلنا وإن ما عجبنا ترحلنا. صح؟ لأن ما بيصح إلا الصحيح وبالنهاية الداخل بالسياسة متل الداخل بتنكة الكناسة فشو بدنا بهذه الشغلة و هذا الباب اللي بيجي منه ريح سده و إستريح!!!! و تيتي تيتي مثل ما رحتي متل ما جيتي!!!!!!!!!